مشورتكم الله يعافيكم

[تووونه]

السلام عليكم ورحمه الله وبركاته
بغيت مشورتكم في الكميرات الرقميه
حيث اني مبتدأه فيها
وابغاها للتصوير العادي يعني بالسفر والطلعات والاوقات العائليه
وياليت تدلوني على وحده كويسه وفيها فلاتر زينه لاني مااعرف بالكاميرات ولا شي

شفت عند سمير وكيل كوداك عرض مدري كويس او لا وابي شوركم فيه
اللى هو كاميرا كوداك LS753
ودقتها 5ميجا بكسل

انا جربت 3.2 ميغا بيكسل بس كانه فيها ظباب الصوره :confused:

ابي مشورتكم الله يعافيكم
ومو لازم كوداك اي نوع بس تكون كويسه وواظحه
وياليت تكتبون اسمها وسعرها
واكون ممنوه:yees:

[JENERAL]

نصيحة ابعدي عن الكودلك ، ما ادري لكن كثير من الزملاء يهاجمونها...نايكون 5 بيكسل بـ 1600 يابانية


لو تحطين حد اعلى لقيمة الكاميرا


خليك بالكانون السوني والنايكون

[تووونه]

السلام عليكم ورحمه الله وبركاته
مشكور اخوي على الرد

تقريبا يوصل السعر ل 2500 ريال

وامس كنت عند المحل وقال لي ان افضل شي الاولمبس في التصوير الرقمي يليها الكوداك لكن السوني يقول ابعدي عنها غاليه على غير فايده
يقول السوني كويسه في تصوير الفيديو لكن الفوتوغرافي ترتيبها ال 19 بين الشركات

حصلت عنده اولمبيس ميني اللي حجمها صغير وفيها منها حوالي 6 الوان دقتها 4 ميغا بيكسل ب 1400 ريال

فما ماادري وش رايكم؟؟humm:

[كيف]

وليش ماتجربين الكانون ولا النيكون

[بحار الشبكة]

هناك كاميرات جيدة ممكن شراءها بهذا السعر
S70 , S60 , S50 من كانون و كذلك S1 IS
3 ميغا الـ S1 سعرها بالإمارات حوالي 1900
5 ميغا S50 , S60الأحدث ما أعرف سعرها لكن قرب الـ 2000
7 ميغا S70 تقريبا 2200
لا أثق بالكوداك وما هي الكاميرا التي جربتيها ؟

[تووونه]

السلام عليكم ورحمه الله وبركاته

مشكور اخوي كيف على الرد
لكن انا مااعرف في الكاميرات كويس توني مبتدأه
وجايه اخذ بمشورتكم لانكم انتم المجربين :sup


مشكور اخوي بحار الشبكه
والكاميرا اللي جربتها من كوداك اللي كانو منزلين عليها عرض قبل سنه تقريباً
موديلها CX7300
3.2 ميغا بيكسل بس لاحظت ان الصور تطلع مغبشه كان فيها ظباب



ومشكورين مره ثانيه
وياليت تخبروني بااخر شي وش اشتري لاني بشريها يوم الخميس

[بحار الشبكة]

إذا الزوم مهم S1 IS
إذا المواصفات والجودة و الحجم S70 و بالترتيبS60 , S50 و مع مراعاة الميزانية
لأني ما أعرف سعرها عندكم

[تووونه]

جزاك الله خير اخوي على الاهتمام
وان شاء الله بكرى اذا نزلت اشوف الاسعار

يعطيكم العافيه مره ثانيه
والله يجعله في موازين اعمالكم

:)

[JENERAL]

الحمد لله على السلامة اخوي بحار الشبكة ..





وينك يا رجل :D





----------------



تووونة ...





لا تطلعين عن الكانون والنايكون ( السوني تجربة شخصية )



والله أن البينك أحسن من الكوداك على سعرها ، ( تجربة سابقة )




شوفي الكترو - ان كنتِ بالرياض - وأسألي عن النايكون



الكانون بالسعودية غالية جداً




----



بالنسبة للسوني ، فعلاً غالي والملحقات غالية ، أما مسألة ترتيبة 19 ، فهذي أكبر نصبة والبائع يبغى يصرّف بضاعته بس .





الأسماء البارزة في عالم الكاميرات الرقمية- بالأسم فقط وليس الأداء- و أبحط السوني آخرهم ومع ذلك ما راح يكون بمرتبة الـ19



- النايكون
- الكانون
- كونيكا مينولتا
- أوليمبس
- فوجي
- بينك
- باناسونيك
- سامسونج ( جديدة بالسوق)
- HP
-بنتاكس
- سوني





ولكِ الأختيار ، راح أضيق صدرك بكلمة

^

^
^
(( أنتظري ، استشيري ، لا تتسرعي ، استفسري ، لا تتهوري )) :D







وأي خدمة حنا حاضرين ( استغلي وجود اخي بحار الشبكة - الرجل وسيع صدر- وتحملّ أسألتي واجد ولا يهون اخواني كيف ، علي الرفاعي ))



**************************

[بحار الشبكة]

غالية جداً ؟
إذا هذه غالية جداS70 , S60
ممكن A95 , A80
بديل لا بأس به لكن أثقل بفرق بسيط و لا تتمتع بذات ميزات التنقل وأكبر حجماً قليلا
و كلهم جيدين
و الميزانية هي من تحكم ذلك

[تووونه]

السلام عليكم ورحمه الله وبركاته

JENERAL
مشكوووور اخوي على هالمعلومات
وانا حسيت من الرجال انه حاقد على سوني :rool
كل مامسكت وحده قال هذي مواصفاتها زي النوع الثاني مايفرق الا الشكل:confused:

خلاص اللحين حطيت في بالي كانون ونايكون
ولو كانون غاليه عندنا مو مشكله انتظر عطله الحج حتى اشريها من دبي ولا اتوهق :eek:


بحار الشبكة
مشكور على سعة صدرك
وان شاء الله اليوم انزل واشوفها كلها واذا قررت صفيت على شي شريتها من دبي بالحج باذن الله


طيب معليش سؤال

اللحين اذا بغيت اشتري كاميرا وش احط في بالي مواصفات
الميغا بيكسل والسينسور هذي عرفتها
وش فيه شي مهم بعد؟؟



ومشكوريين ويعطيكم الف عافيه
واسفه على الاطاله والله يجعلها بموازين اعمالكم ويعطيكم على قد نياتكم يارب

[JENERAL]

^
^

- جودة الصور
- مدعومة بتصوير يدوي
- لا يقل الزوم البصري عن 3
- وسلامتكم :D

[تووونه]

مشكووووووووووووووووووورين ويعطيكم ربي الف عافيه
اول مااشريها راح ابشركم:thup:

[ahmed9]

اختي العزيزه تونه ارجو منك عدم الاقتراب من كوداك لمسافه مئه متر:lool بسبب الغبار والتحبب المتطاير من كاميراتها فعليك بكانون او سوني